Kleingroepstudie
Kerkjaar - Dominee.org.za - Die Woord vir Almal!
Kerkjaar

Kerkjaar (4)

Sondag, 05 April 2015 01:07

Welkom

Geskryf deur Webmeester

BAIE WELKOM BY DIE NUWE DOMINEE.ORG.ZA - Die Woord vir almal!

tafel Liewe Bedienaar / Luisteraar van Die Woord.

 Het jy goeie Christelike boodskappe wat iewers in 'n boek, rak of rekenaar lê en stof vergaar in plaas daarvan dat dit mense se lewens verander? Voel jy dikwels dat dit hartseer is om só hard aan 'n boodskap te werk en dit dan net een keer te gebruik en of tot een gehoor te beperk? Dan is dit tyd om jou boodskappe weer af te stof en nuwe lewe te gee. Moenie dat jou insigte en omgang met God verlore laat gaan nie. Stel dit beskikbaar op Dominee.org.za en jou boodskap sal aanhou preek! Laat jou boodskap voortleef en steeds mense se lewens verander!

Gemeentelede kan ook help deur hul leraars aan te moedig om hul boodskappe hier beskikbaar te stel of deur hul naam en kontakbesonderhede aan ons by "Kontak ons" te stuur sodat ons hulle kan uitnooi.

Donderdag, 22 Februarie 2018 17:41

Aswoensdag

Geskryf deur Webmeester

Aswoensdag is die begin van die veertig dae Lydenstyd. Lydenstyd is ‘n tyd van selfondersoek, skuldbelydenis, vas, gebed en diens aan ander. Dit is ‘n tyd om nóg meer as gewoonlik die Bybel te lees en te oordink. Deur dit alles berei ons voor vir Paasfees, wat die hoogtepunt van die kerklike jaar is.

PalmkruisDie gebruik met Aswoensdag is dat die palmtakke van die vorige jaar se Palmsondag verbrand word, met olyfolie gemeng word en dan in die vorm van ‘n kruis op die voorkop of handpalms van lidmate gevorm word met die woorde “mens, dink daaraan dat jy stof is en tot stof sal terugkeer”. As is egter nie net ‘n teken van ons verganklikheid nie, maar ook van boetedoening (vgl. die gebruik om as op die kop te strooi as teken van berou). Daarom is die Aswoensdag-liturgie ‘n geleentheid vir boetedoening en verootmoediging met die oog op die lydenstyd wat voorlê. Soms het mense hul sondes op papiertjies geskryf en dit saam met die palmtakke verbrand.

Sommige gemeentes het die gebruik om die vorige jaar se palmkruisies wat Palmsondag uitgedeel is op Aswoensdag of Eerste Lydensondag te verbrand en dan die die as- olyfolie mengsel te gebruik on kruise op die voorkop of hand tydens die erediens te maak. Sommige doen dit so: Die voorganger teken met sy/haar duim ʼn askruis op elkeen se voorkop en sê die volgende woorde: “Aanvaar die versoening met God wat Christus bewerk het” (2 Kor 5:20). Gemeentelede antwoord met: “Ek aanvaar dit.”

Maak 'n uitstal tafel in die huis of in die kerk gereed. Die volgende items kan op die tafel geplaas word om die Aswoensdagboodskap tuis te bring: Houertjie met palmblare- kruisies. Botteltjie olyfolie. Hoertjie met as wat vooraf gemaak is.

As simbool van toewyding word jy ook aangemoedig om in hierdie tyd te vas deur jou te weerhou van ’n aangename voedselsoort of aktiwiteit wat ’n gemis in jou lewe sal veroorsaak. Dit is nie net om op te hou om iets te eet, of om iets spesiaals te doen nie. In die tyd wat ek Uitstaltafelhierdie vas beoefen, dink ek aan God se liefde en wat Hy bereid was om vir my te doen.

Verander jou status op Facebook, WhatsApp, ens. Gebruik aardse agtergronde en prentjies van kruise om jou te herinner dat jou taak is om die te help om die pyn an swaarkry van die wêreld te help verlig. Jy kan ook tekse plaas wat jou en ander sal motiveer vir hierdie wonderlike taak.

Uitnodiging!
Vul asseblief hierdie kort artikel aan met idees en projekte wat julle doen om Aswoensdag mee te vier. Onthou dat jul projekte ook op ons Kalender adverteer kan word! As jul gebede nodig het vir die projekte kan dit hier versoek word.

Bronne:

1.    Handleiding vir die Erediens van die Nederduitse Gereformeerde Kerk
2.    Gebedeboek met Liturgiese Voorstelle van die Sinodale Eredienskommissie van die Oos-Kaapse Sinode van die NG Kerk
3.    Seisoen van Luister - Preek 25.02.2018.

Grafieke en fotos: Kopiereg. www.dominee.org.za.
Saamgestel deur Dirk C Lourens (vdm). 14.02.2018. www.dominee.org.za.

Woensdag, 01 April 2015 19:29

Lydenstyd

Geskryf deur Webmeester

LydenstydDie Christelike kerkjaar is gebou rondom die groot Christelike feeste. Dit begin by Advent met Kersdag as fokus. Epifanie begin 6 Januarie en eindig met die Sondag van Verheerliking. Die volgende groot fees is Paasfees maar dit word voorafgegaan deur die 40 dae van Lydenstyd. Lydenstyd word ingelei deur Aswoensdag en sluit af in die Heilige week net voor Goeie Vrydag. Vanaf Opstandingsondag volg Paastyd. Hemelvaartdag lei die Pinkstertyd in. 

Lydenstyd is 'n seisoen van 40 dae waarin ons as Christene met vreugde, erns en pyn terugdink aan Jesus wat namens ons die lyding en straf  vir sonde op Hom geneem het en in ons plek daarvoor gesterf het. Ons moet daarop reageer en daarom berei ons voor vir Paasfees en 'n Opstandingslewe.

 

Kleure
Donker aardse kleure soos bruin, grys, rooi en pers. Die laaste Sondag tot voor Goeie vrydag gebruik ons diep helder rooi om die bloed van Jesus te simboliseer. Op Goeie Vrydag en Grafsaterdag word geen kleur (swart) of versierings gebruik nie.

Simbole
Die kruis dien as hoof simbool. Ander simbole soos 'n doringkroon, spykers kan ook gebruik word.

Gebruike
Lydenstyd is 'n tyd van hertoewyding en dissipelskap. Die Westerse kerk het in die tweede helfte van die vierde eeu begin om as voorbereiding vir Paasfees 'n vas tydperk van 40 dae in te stel. Die vas het meestal beteken dat slegs een maaltyd per dag sonder vleis geëet word. Hierdie tyd kan met 'n bietjie verbeelding met groot vrug in ons huise gebruik word, bv. deur te vas van 'n gewoonte of lekker eetding, soos die lees van tydskrif, die kyk van TV, geen gebruik van suiker, ens.

Die Jode het die Pasga gebruik om hul huise van hoek tot kant skoon te maak. Die Pasga is gedurende Israel se lente (daarom "Springcleaning"). Die skoonmaak was veral om seker te maak dat daar geen gis in die huis is nie. Volgens bepalings van die Pasga moes daar geen suurdeeg vir die duur van Pasga in enige huis wees nie. In 1Kor.5:7-8 is daar 'n vergelyking tussen gis en sonde. Dit sal goed wees as ons in hierdie tyd "springcleaning" in en om ons huise en gewoontes doen en dit wat die Here nie verheerlik nie te verwyder en weg te gooi.

Kleingroepe kan "vuil " areas in die omgewing takel en skoon maak. Dink ook aan hulp by ouetehuise, ens.

Aangesien daar so baie onbekeerde mense en volke is kan die tyd gebruik word om weekliks op 'n groep te konsentreer, inligting bekend te stel en vir hulle te bid.

Gee/vra geleentheid by eredienste vir getuienisse oor projekte en uitreike.

Net soos tydens Advent kan 'n uitstal tafel in die huis of in die kerk opgestel word. Die volgende items kan weekliks op die tafel geplaas word om die lydensboodskap tuis te bring: 'n Houtkruis, hamer en sewe groot spykers, doringkroon, sweep, stok met spons, flessie asyn, groot Bybel, aardbol, sewe rooi blomme, grootDoringkroon wit kers, ens.

Verander jou status op Facebook, WhatsApp, ens. Gebruik aardse agtergronde en prentjies van kruise om jou te herinner dat jou taak is om die te help om die pyn an swaarkry van die wêreld te help verlig. Jy kan ook tekse plaas wat jou en ander sal motiveer vir hierdie wonderlike taak.

Uitnodiging!
Vul asseblief hierdie kort artikel aan met idees en projekte wat julle doen om Lydenstyd mee te vier. Onthou dat jul projekte ook op ons Kalender adverteer kan word! As jul gebede nodig het vir die projekte kan dit hier versoek word.

Bronne:

1.    Lydenstyd – Riglyne vir selgroepe en gesinne. NGK Witrivier 1998.
2.    Preekstudies met liturgiese voorstelle gebaseer op die kerkjaar. Buvton/Communitas.
3.    Grafieke en fotos: Kopiereg. www.dominee.org.za.

Saamgestel deur Dirk C Lourens (vdm). 29.03.2014. www.dominee.org.za.

Woensdag, 01 April 2015 20:28

Goeie Vrydag en Grafsaterdag

Geskryf deur Webmeester

Goeie Vrydag en GrafsaterdagKleure    
Op Goeie Vrydag en Grafsaterdag word geen kleure of enige versierings gebruik nie. Dit staan in kontras met die baldadigheid van die versierings en kleure wat gebruik word op Paassondag en die tyd daarna.  

Die kanselkleed kan wel met 'n swart doek vervang word. Kerse word nie aangesteek nie en geen blomme/ruikers in kerkruimte nie.
Simbole
'n Swart doek/kleed.

'n Kruis met 'n doringkroon, stukkie brood en leë wynglas.    

Gebruike
Hang 'n swart doek op 'n prominente plek in jou huis/werkplek of oor iets wat gewoonlik baie kosbaar is vir jou.Wees gereed om aan mense te verduidelik waarom jy dit doen en wat dit vir jou beteken.

Verander jou status op Facebook, WhatsApp, ens. Gebruik 'n swart agtergrond en plaas 'n gedagte of teksvers wat Goeie Vrydag vir jou vasvat.

Gebruik die dae om te vas en te bid en om jou eie lewe voor God te bring.
Wat beteken dit om saam met Christus te sterf? 
Hoe verander dit die manier waarop ek elke dag lewe? 

 

Doen iets prakties om iemand te help of te ondersteun wat swaarkry, as uitdrukking van die werklikheid dat Christus saam met ons as mense ly.

Kalender

« Februarie 2018 »
Ma di wo do Vry za zo
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

Top Blogs

Dirk C Lourens
28 November 2015
Kerk en Wêreld
Die eeue oue probleem van selfde-geslagverhoudinge is sterk onder die vergrootglas en word tans debatteer in baie kerke. Sommige is in angs daaroor - ander wil dit in jou keel afdruk - ander druk hul ...
Rate this blog entry:

Nuutste Gesprekke

No discussions yet.
Google+